Nurutkeun catur galur sepuh nu kapungkur, riwayat carita kolot baheula. Aya hiji lembur anu mabakan disebutna Babakan Eurih, sababna eta kampung teh aya ditengah-tengah sampalan eurih.
Anu mimiti ngebak ngebur di eta kampung asmana Ki Durgala. anu gagah rongkah sabab ngagem ajian batu karang. Ku ayana kitu anu mimitina ngan ukur sapiri umpi, jadi ngareaan sabab loba anu gugurueta elmu, jadi anu caricing di eta babakan tarumetep jadi warga penduduk babakan jumlahna ngalobaan.
Dina hiji waktu dina tanggal 24 Maulud taun 754 Hijriyah/taun 1248 Masehi, poena Jumaah Kaliwon, datang anu ngaalana ka eta babakan, hiji jalma anu nabogaan Sir hayang ngancik di eta lembur, kalaan temerapna rasa betah, geus kitu bae kersaning Gusti Nu Maha Suci.
Malum ka nu anyar datang Ki Durgala hayang nyoba elmuna ka anu anyar pinanggih tapi teu mampuh, anu akhirna Ki Durgala sapiri umpi kadeseh jajaten, ngaleos tanpa pamit, kiwarieta babakan teh disebut Babakan Sirna.
Saha atuh anu anyar datang teh taya lian anu jenengan Rangga Wayang ti Mataram. Anjeuna sareng masyarakat anu aya jadi dalit sadayana bela tumutur ka anjeuna. Pikeun kahirupan balarea aneuna ngawitan ngayaken kagiataan nyaeta nyusuk solokan ngabedah sawah pikeun melak tatanen, pare jeung palawija. Ieu lembur ganti ngaran jadi kampung Sirap, kiwari nya Desa Sirap. Kalayan ajeuna ngawirid budi pekerti keur kaluhuran budi nyaeta ajaran islam.
Dina eta taun 1903 Masehi jaman Sumedang Larang anu ngawengku daerah Sumedang Karawang kersana Prabu Geusan Ulun ieu lembur Sirap dijadikeun Kademangan Cibatu Sirap. Anu jadi demangna ti kawitan Rangga I dugi ka Rangga III Waktos Demang Rangga III ngalih ka Cisalak kenging julukan Demang Bako margi anu ngawitan marentahkeun melak bako.
Daerah Tanjungsiang anu jumlah 7 desa ka asup Kecamatan Cisalak. Taun 1953 daerah Tanjungsiang jadi keantren disebut Kemantren Tanjungsiang desana nambahan jadi 8 desa, anu nyepang Kemantren jenengan Bapa Oding mantri Polisi Kecamatan Cisalak.
Taun 1983 Kemantren Tanjungsiang dijadikeun daerah perwakilan ti kecamatan Cisalak anu ngawitan tugasna jenengan Bapa H. Eman Sulaeman. Nu dalapan desa dimekarkeun jadi 11 desa.
Tanggal 23 Juli 1987 jadi Kecamatan Tanjungsiang anu diangkat janten Camatna Bapa Undang Sujana BA.
Kantor Kecamatana nya di desa Sirap, sabab nurutken riwayat di luhur kungsi jadi kademanganm basa kiwari mah Kecamatan.
Sirap, 23 Juli 1987
Anu nulis riwayatna
AKI ASLI
